Get Adobe Flash player

Календарь

<< < Февраль 2014 > >>
Пн Вт Ср Чт Пт Сб Вс
          1 2
3 4 5 6 7 8 9
10 11 12 13 14 15 16
17 18 19 20 22 23
24 25 26 27 28    

Статистика

Посетители
12980
Материалы
270
Cсылки
9
Количество просмотров материалов
1469327
Яндекс.Метрика

21 Февраль 2014

"Ватанды һаҡлау - изге бурыс"

Детская библиотека муниципального автономного учреждения культуры

«Зианчуринская межпоселенческая центральная библиотека»

 муниципального района Зианчуринский район РБ

 

 

 

 

 

«Ватанды һаҡлау - изге бурыс»

Ватанды һаҡлаусылар көнөнә арналған, урта йәштәге мәктәп балалары өсөн сценарий.

 

 

 

 

 

 

 

2014г.

 

Максат: Егеттәрҙә коллективизм, түҙемлелек, батырлыҡ, ярҙамсыллыҡ тәрбиәләү; аралашыусанлыҡ, дуҫлыҡ мөнәсәбәттәре урынлаштырыу.

Алып барыусы.

 Хәйерле көн теләйем таңдар һайын,

Аяҙ күктәр теләйем еремә.

Ҡояшлы көн теләйем бар кешегә

Һәм именлек теләйем илемә.

Хәйерле көн, тимен, һәр кешегә,

 Хәйерле көн теләйем гөлдәргә.

Һөйкөмлөлөк теләйем йәш ҡызҙарға,

Һәм сабырлыҡ теләйем егеттәргә.

Хәйерле көн барығыҙға ла!

 Байрам менән һеҙҙе, ҡәҙерле егеттәребеҙ! Һеҙҙе Ватанды һаҡлаусылар көнө менән ысын күңелдән ҡотлайбыҙ. Һеҙгә бәхет, шатлыҡ, зур уңыштар, һәм һәр ваҡыт күтәренке кәйеф теләйбеҙ.

Бөгөн беҙ һеҙҙен менән, 23 февраль – Ватанды һаклаусылар көнөнә арналған сараға йыйылдыҡ.

Башҡорт халҡы борон - борондан батыр, сая яугир булған. Тыуған илен һөйөүе, уны яугирҙарса яҡлауы менән дан ҡаҙанған. Тыуған илебеҙҙе сит ил баҫҡынсыларынан һаҡлауҙа беҙҙен ата - бабаларыбыҙ ҡыйыу яугир булғандар. Шуға күрәлә тарихта, халыҡ сығарған легендаларҙа һәм йырҙарҙа Аҡай, Алдар, Күсем, Кинйә, Ҡараһаҡал, Батырша, Салауат кеүек бик күп батырҙарҙын исеме ҡалған.

Әйтегеҙ әле уҡыусылар, ни өсөн был байрам 23 февраль көндө  үткәрелә һәм ни өсөн Ватанды һаклаусылар көнө тип атала?

23 февраль оҙаҡ йылдар дауамында Ҡыҙыл Армияның тыуған көнө булараҡ билдәләнде. Хәҙер 23 февараль -  Ватанды һаҡлаусылар көнө тип атала. Был көн, ысынлап та, ҡулына ҡорал тотоп, Тыуған ил именлеге һағында тороусылар, уның азатлығын һәм бойондороҡһоҙлоғон һаҡлап батырлыҡ һәм ҡаһарманлыҡ күрһәтеүселәр байрамы.

 Бөгөнгө байрам уңайынан ойошторолған бәйгелә ике команда ҡатнаша.(Командаларға исем биреү (лётчиктар, пограничниктар), жюри составын һайлау -  һеҙҙең уҡытыусығыҙ һәмдә беҙҙең китапхана хеҙмәткәрҙәре)

1 конкурс. “Хәрби әзерлек”

Егеттәр безҙең буласак һалдатлар бит. Ә хәрбиҙәр физик яктан сыныҡҡан булырга тейеш. Шуға күрә хәҙер буласак конкурс һеҙҙең физик әзерлекте күрһәтәсәк. Отжимание. Һәр команданан ике уҡыусы катнаша. Кем күберәк.

2 конкурс.Егеттәрҙе һынап ҡарайыҡ

 Аш-һыу өлкәһендә лә.

Уларға көс биреп торайыҡ

 Картуф әрсегәндә. Конкурс: “картуф әрсеү”.

3 конкурс. Һәр команданан өсәр уҡыусы сыға. Туп менән йүгереү.

 4 конкурс. Ҡул эшенә оҫталыҡты

 Һынарға ваҡыт еткән.

 Кәрәк бөхтә тегергә

Костюм һүтелеп киткән. Конкурс: “Күлдәккә төймә тағыу”. (ҡыҙ һәм егет)

5 конкурс. “Йылмайып һуған йәки лимон ашау.

6 конкурс. Ватанды һаклаусыларға бағышланган йырҙарға конкурсты башлайбыҙ. Берәр куплет йыр башҡараһығыз. Ҡайһы команда иң оҫта йырсы икән.

7 конкурс. Рәсем яһарға

Егеттәр оҫта микән?

 Әйҙәгеҙ эштәрен  ҡарайыҡ

Ҡайһыһы матур икән? Конкурс: “Күҙҙәрҙе бәйләп танк рәсеме яһау”.

8 конкурс. Ашығыс медицина ярҙамы күрһәтеү. (егет менән ҡыҙ)

 9. Конкурс. “Һорауҙарға яуап биреү”.

Нимә өҫтәл янында бигерәк кәрәк? (Ауыҙ)

Ниндәй һауыттан эсеп булмай? (Буш)

Ҡайһы ай календарҙа юҡ? (Һауалағы ай)

 Һыйыр һыуҙан сыҡҡас нимә эшләй? (ҡоро ергә баҫа)

 Ниндәй һорауға “эйе” тип яуап биреп булмай? (“Йоҡлайһыңмы?”)

Бер имәндә өс ботаҡ, ботаҡ һайын өсәр алма. Барыһы нисә алма? (Имәндә алма булмай)

Һыу ҡайҙа ҡоро була? (География картаһында)

 Һыйыр ни өсөн ята? (Ултыра алмағанға)

 Нимәне йомоҡ күҙ менән күреп була? (Төштө)

Кәзә һыуҙан нисек сыға? (һыуланып)

 Ҡара бесәй ниндәй ишектән инә? (Асыҡ)

 Һигеҙ таяҡтың дүртәүһен һындырғас, нисә таяҡ ҡала? (12 таяҡ)

 Яҙ менән көҙ нимә менән тамамлана? (“Ҙ” өнөнә)

 Б” менән башлаһаң – бик тәмле әйбер, “Һ” менән башлаһаң – бүрәнәләр бәйләме, “Ҡ” менән башлаһаң – бойороҡ һүҙ. Был ниндәй һүҙҙәр? (Бал, һал, ҡал.)

Ямғыр яуғанда ҡуян ниндәй ҡыуаҡ аҫтында ултыра? (Һыу, еүеш)

 1кг мамыҡ ауырмы, 1кг тимерме? (Тигеҙ)

Винтовка осона беркетелә торган осло ҡорал нимә тип атала? (штык)

 Төз атыусыны кем тип атайҙар? (Снайпер)

 Корабль менән идара итеүсе руль тәгәрмәсе нисек атала? (Штурвал)

 Моряклар араһында киң таралган өҫ кейеме нисек  атала? (Тельняшка)

 Сигнал уттары менән юл күрһәтеүсе яр буйындағы башня нисек  атала? (Маяк)

10 конкурс.  Конкурс ҡыҙҙарға һүҙ. Кем ҡотлап матур теләктәр әйтер беҙҙең егеттәргә.

Бына инде кисәбеҙ ҙә

Бөтөүгә табан бара.

Ярыштыҡ, уйнаныҡ, көлдөк,

Булды күңелгә дауа.

Әйҙәгеҙ ҡәҙерле дуҫтар

Туҡтатабыҙ уйынды.

Хәҙер жюри һеҙгә әйтер

Иң беренсе урынды.  Жюри урындар билдәләп үтә.

Бөгөнгө сараға килгән өсөн, ҡатнашҡан өсөн барығыҙға ла ҙур рәхмәт.

Читать далее
хостинг